हा आहे एक शोध!
माणसांचा, संघर्ष अंगावर घेणा ऱ्या साहसांचा,
प्रश्न पडलेल्या वाटांचा, उत्तरांच्या प्रवासाचा शोध !!
मराठी दिवाळी अंकांच्या ठराविक चाकोरीतले साचलेपण बाजूला ठेवून संपादनापासून मांडणीपर्यंत सतत नवे प्रयोग करत मराठी वाचकांसाठी दरवर्षी एका नव्या
अनुभवाचं दार उघडण्याची रोमांचक धडपड हे दीपोत्सवचं वैशिट्य !
बाबुजी ते आराध्या अशा चार पिढ्यांंमध्ये धावणाऱ्या ‘संस्कारा’च्या नदीविषयी सांगणारे अमिताभ बच्चन... ‘पैसा कुछ नही होता यार’अशी खात्री देणारा शाहरूख...
कार्पोरेट बोर्डरूमच्या पलीकडले नारायण मूर्ती आणि आनंद महिंद्रा...
ही अशी नेहमीपेक्षा वेगळी माणसं भेटण्याची एक हक्काची जागा, म्हणजे दीपोत्सव !
आणि यंदा तर दीपोत्सव उतरतो आहे शब्दश: रस्त्यावर ...
रस्त्यावरच्या माणसांशी बोलून, त्यांच्याबरोबर राहून, जेवून-खावून, भटकून, शोधून आणली आहेत जागतिकीकरणाचं वारं शिरल्यानंतरच्या
ऐन पंचविशीत पोचलेल्या ‘ग्लोबल’ भारताची ‘लोकल’ रहस्यं .
नॅशनल हायवे ४४. कन्याकुमारी ते श्रीनगर . वाटेतली ११ राज्यं ओलांडत देशाची दक्षिण-उत्तर टोकं जोडणारा ३७४५ किलोमीटरचा रस्ता..
आणि या रस्त्यावरून ३५ दिवस सलग प्रवास करणारे ७ कलंदर भटके !!
ही रोडट्रीप शोधते आहे भारताचं अंतरंग!!
काय बदललं आणि किती बिघडलं, काय पेटलं आणि कोण विझलं यांचा हिशेब मांडणारा हा प्रवास ... आणि त्या प्रवासात भेटलेल्या माणसांची रोमांचक कहाणी!
त्याबरोबरच गप्पांच्या प्रदीर्घ मैफली ...
प्रियंका चोप्रा, प्रिसिला चान-झुकेरबर्ग, विदुषी गिरीजादेवी, रस्कीन बॉण्ड, विक्कु विनायकम..... आणि खुद्द रतन टाटा !!
या दिवाळीतली एक समृध्द मैफील
घरातल्या प्रत्येकासाठी , प्रत्येकातल्या स्वतःसाठी
या वर्षीच्या मैफलीत भेटा…
-
रतन टाटा
भारतीय उद्योगविश्वातली सर्वात आदरणीय व्यक्ती उलगडते आहे
‘क्रिएटिव्हिटी’ विरुध्द ‘केऑस’च्या
झगडय़ातून सुटण्याचे मार्ग. -
प्रिसिला चान
कॉलेजमध्ये वॉशरूमच्या रांगेत ‘त्यानं’ प्रपोझ केलं तो क्षण, मग ‘त्याच्या’शी लग्न,
मग त्याचं ‘मार्क झुकेरबर्ग’च होणं, फेसबुकचे दिवस,
अचानक आलेला आणि गरगरून टाकणारा पैसा, त्या संपत्तीच्या सोबतीनं जगण्याची सवय करताना उडालेली तारांबळ
आणि मैक्स या चिमुकलीच्या जन्मानंतर बदलून गेलेलं दोघांचं आयुष्य !!!
स्वत:ची नव्वद टक्क्याहून जास्त संपत्ती समाजकार्यासाठी वापरण्याचा संकल्प केलेल्या
मार्क झुकेरबर्गची पत्नी, सहचारिणी आणि मैत्रीण सांगते आहे
त्या दोघांबद्दल आणि जग बदलण्याच्या त्यांच्या स्वप्नाबद्दल! -
विदूषी गिरीजा देवी
बनारसमधल्या गंगेच्या धारेत डुलणाऱ्या बोटीवर रंगलेल्या गप्पांमध्ये
ही ख्यातनाम गायिका उलगडते आहे तिचे लहानपणीचे दिवस...
कपाटातल्या जपानी गुडियांची रहस्यं आणि भारतीय शास्त्रीय संगीताचा श्रीमंत वारसा
पुढे वाहून नेताना पायाखाली आलेल्या घरंदाज वळणांची लयदार कहाणी! -
विक्कू विनायकराम
अख्ख्या जगाला वेड लावणारे,
आजही त्याच जुन्या ‘मड्रास’मधून स्वत:ची नवीकोरी बीएमडब्ल्यू चालवणारे आणि
रात्री श्रीकृष्णासमोर आपले घटम घेऊन बसणारे एक हसरे आजोबा...
दोन मातीचे घट आणि दहा बोटं एवढ्या श्रीमंतीवर
ग्रैमी अवॉर्ड पटकावणाऱ्या जगद्विख्यात घटम वादकाच्या बेभान प्रवासाची सफर -
प्रियंका चोप्रा
तिला विचारलं,‘तू तिकडे पश्चिमेला गेलीस अमेरिकेतल्या हॉलीवूडमध्ये. तुला अवघड नाही गेलं हे प्रकरण?’
तर ती पटकन म्हणाली, ‘मी कुठे गेलेय ‘तिकडे’? मी तर मराठीतून येतेय तुमच्या घरी या दिवाळीत!’
स्वत:च्या कर्तृत्वावरल्या विश्वासाच्या बळावर हॉलीवूडमध्ये पाय रोवणाऱ्या
आणि तरीही ‘देसी’ मातीत पाय घट्ट रोवून असलेल्या
एका महत्त्वाकांक्षी तरुण अभिनेत्रीशी खास भेट -
रस्किन बॉण्ड
मसूरीजवळचं लैण्डोर... देवदाराच्या गच्च सावलीतून वळणावळणानं वर चढणाऱ्या
रस्त्याच्या कोपऱ्यावरल्या इमारतीत उघडी असलेली एकच खिडकी...
आणि हिमालयाच्या प्रेमात पडून गेली अनेक वर्षं तिथं राहणारे, भुतांच्या गोष्टी सांगून मुलांना हसवणारे,
‘रस्टी’च्या कहाण्यांनी रानफुलांच्या पायवाटांवरून भटकायला नेणारे गोबऱ्या गालांचे हसरे मिश्कील आजोबा...
द नेम इज बॉण्ड... रस्किन बॉण्ड!!
- मसूरीला जाऊन केलेल्या गप्पा मराठीत प्रथमच!!!
माणसं रस्त्यावर का उतरतात?
- ‘सिस्टीम’शी भांडायला?
आम्हीही उतरतो आहोत रस्त्यावर! ऐन पंचविशीत पोचलेल्या
‘ग्लोबल’ भारताची ‘लोकल’ रहस्यं शोधायला!!
नव्या जगात नवे मार्ग शोधण्याची हिंमत धरणाऱ्या रस्त्यावरच्या माणसांशी बोलून!!
त्यांच्याबरोबर राहून, जेवून-खावून, भटकून !
शांत संथ कन्याकुमारीतून निघून थेट उकळत्या श्रीनगरपर्यंतचा
उभा भारत पालथा घालणारा रोमांचक प्रवास…
DOWNLOAD FREE SAMPLE
Not sold yet? Download the preview sample (PDF, 4.2 MB) complete with cover artwork, table of contents, and several sample pages.
Testimonials
मी शोभा राजाध्यक्ष. म्हणजे ,मराठीची माहेरवाशीण. पाच वर्षापूर्वी ‘दीपोत्सव’च्या अतिथी संपादकपदाची जबाबदारी सोपवून ‘लोकमत’ने मला मला माहेरी बोलावलं होतं, तेव्हापासून या वार्षिकाशी माङो ¬णानुबंध जुळले आहेत. जगाच्या क्षितिजावर आपलं कर्तृत्व आत्मविश्वासाने कोरणा:या मराठी आत्मविश्वासाचं आणि या मातीत नव्याने रुजलेल्या प्रयोगशीलतेचं लखलखीत प्रतिबिंब मला ‘दीपोत्सव’मध्ये दिसतं.
शोभा डे
ख्यातनाम लेखिका
दिवाळी अंकाच्या वाचनाची ‘दीपोत्सव’इतकी समृध्द मैफील मी तरी अनुभवलेली नाही. रूढ वळणो सोडून होणारे या अंकातले संपादकीय प्रयोग मला विशेष भावतात.
सुमित्रा महाजन
लोकसभा अध्यक्ष
‘दीपोत्सव’ची सुरुवातीची काही र्वष अतिथी संपादक या नात्याने या वार्षिकाशी माङो सूर जुळले. मराठी या भाषेशी तर मी हृदयाने जुळलेला आहे. ‘दीपोत्सव’बरोबरच्या प्रवासाने मला अनेक नवे स्नेही मिळवून दिले आणि प्रेम तर अपरंपार दिलं.
गुलजार
ख्यातनाम कवी आणि गीतकार